༄༅།།གཟའ་འཁོར་གཅིག་རིང་གི་གནམ་འོག་གི་གསར་འགྱུར་ཕྱོགས་བསྡུས།

གསར་འགྱུར་སྤེལ་དུས། 　【2018ལོའི་ཟླ་ 08ཚེས་13ཉིན། 15:04】（རྩོམ་སྒྲིག་འགན་འཁུར་པ། མཁའ་འགྲོ།）

འཐབ་གྲུས་འབར་མདེལ་དབྱུག་པ།

ཟླ་8ཚེས་9ཉིན། དབྱི་སི་རལ་རྒྱལ་ཁབ་རྒྱལ་སྲུང་དམག་གིས་ར་སྤྲོད་བྱས་དོན། ཚེས་8ཉིན་གྱི་ཕྱི་དྲོ་ནས་ཚེས་9ཉིན་གྱི་ནམ་ལངས་ཁའི་བར་དུ་དབྱི་སི་རལ་དམག་འཐབ་གནམ་གྲུས་ཀཱ་ཟ་ས་ཁུལ་དུ་དབྱི་སི་ལན་གྱི་འགོག་རྒོལ་ལས་འགུལ་(ཧ་མ་སི་)གྱི་དམིགས་འབེན་140ལྷག་ལ་འབར་མདེལ་དབྱུག་པ་རེད། 【1】【2】【3】【4】

ཀཱ་ཟའི་ཟིང་འཁྲུག
ཟླ་8ཚེས་10ཉིན། ཕ་ལེ་སི་ཐན་གྱི་མི་སྟོང་ཕྲག་ཁ་ཤས་ཀྱིས་ཀཱ་ཟའི་མཐའ་མཚམས་སུ་ངོ་རྒོལ་བྱེད་སྒོ་སྤེལ་དུས། དབྱི་སི་རལ་གྱི་དམག་མི་དང་གདོང་གཏུག་བྱུང་བ་དང་། ཕ་ལེ་སི་ཐན་གྱི་མི་2དམག་མིས་མེ་མདའ་བརྒྱབ་ནས་བསད་པ་རེད། དེ་ལས་མི་གཅིག་ནི་མྱུར་སྐྱོབ་མི་སྣ་ཡིན།

འགན་བཞེས་དམ་བཅའ་བཞག་པ།
ཟླ་8ཚེས་7ཉིན། ཁོ་ལོམ་པི་ཡའི་ཙུང་ཐུང་གསར་པ་ཏུའུ་ཁེ་ཡིས་རྒྱལ་ས་པའོ་ཀོ་ཏའི་ལྟེ་བ་པའོ་ལི་ཝར་ཐང་ཆེན་དུ་ཙུང་ཐུང་འགན་བཞེས་དམ་བཅའ་བཞག་ནས། དུས་ཡུན་ལོ་བཞི་ཡིན་པའི་ཙུང་ཐུང་གི་ལས་འགན་འཁུར་འགོ་བརྩམས་པ་རེད།

“བར་སྣང་ཁམས་ཀྱི་དམག”འཛུགས་པ།
ཟླ་8ཚེས་9ཉིན། ཨ་རིའི་ཙུང་ཐུང་གཞོན་པ་མའེ་ཁེ་ཕུང་སི་ཡིས་རྒྱལ་སྲུང་པུའུ་རུ་གཏམ་བཤད་སྤེལ་བའི་སྐབས་སུ། 2020ལོར་ཨ་རིའི་དམག་དཔུང་གི་དམག་རིགས་ཆེན་པོ་དྲུག་པ་སྟེ"བར་སྣང་ཁམས་ཀྱི་དམག"འཛུགས་ཐབས་བྱེད་རྒྱུ་ཡིན་པ་བཤད།

༄༅།།གཟའ་འཁོར་གཅིག་རིང་གི་གནམ་འོག་གི་གསར་འགྱུར་ཕྱོགས་བསྡུས།

ཕྱོགས་བསྡུས་གསར་འགྱུར།